Leiar byggesak

Vil du vere med og skape ein effektiv, framtidsretta og brukarvenleg byggesaksavdeling? Austevoll kommune søkjer ein tydeleg og samlande leiar for byggesak – ein som vil setje retning, byggje kultur og sikre god samhandling med innbyggjarar, næringsliv og resten av organisasjonen.

Som leiar for byggesak får du det overordna ansvaret for byggesaksområdet i kommunen, inkludert leiing av teamet, fagleg utvikling, og vidareutvikling av arbeidsprosessar. Du vert ein sentral del av leiargruppa for samfunnsutvikling og får høve til å påverke korleis kommunen møter både næringslivet sine utviklingsbehov, politiske ambisjonar og innbyggjarane sine behov. 

Dine viktigaste ansvarsområde:

• Sikre god dialog og tilgjenge for innbyggjarar og næringsliv
• Bidra til digitalisering og effektivisering
• Samhandling med planavdelinga og andre fagmiljø for heilskapleg arealforvaltning
• Tett dialog med politisk leiing, førebu saker for politisk behandling og delta i politiske møte
• Budsjett-, personal- og fagansvar for eininga
• Sikre at byggesaksbehandlinga følgjer lovkrav og fristar
• Vidareutvikle rutinar, praksis og digitale løysingar

Kven er du?
Vi ser etter ein strategisk og utviklingsorientert leiar som er flink til å motivere og byggje relasjonar. Du har ein leiarstil som byggjer på tillit og meistring, og du trur på at ansvar og handlingsrom gir dei beste resultata. Du har evne til å stå støtt i krevjande saker, samstundes som du ser verdien av godt samarbeid og open dialog.
Du har:

• erfaring med leiing, gjerne frå offentleg forvaltning eller byggjesektoren
• god forståing for plan- og bygningslova
• erfaring med endringsprosessar, digitalisering og effektivisering
• evne til å balansere faglege krav, politiske føringar og brukaromsyn
• sterke kommunikasjonsevner, både skriftleg og munnleg

Kvifor Austevoll kommune?
Austevoll er ein framtidsretta øykommune med høg aktivitet og sterke næringar. Her får du jobbe i eit moderne kommunehus på Storebø, i eit fagmiljø som vil framover, i ei leiargruppe prega av velvilje og tett samarbeid og i eit politisk landskap der det er korte avstandar frå idé til vedtak. Vi verdset initiativ, fleksibilitet og robustheit.
Vi tilbyr:

• Ei sentral rolle i utviklinga av ein kommune i vekst
• Moglegheit til å sette retning for byggesaksområdet
• Godt arbeidsmiljø og engasjerte kollegaer
• Gode pensjons- og forsikringsordningar
• Løn etter kvalifikasjonar
• Fleksible løysingar for pendlarar og hybrid arbeid

Praktisk info og kontakt
Arbeidsstad: Kommunehuset på Storebø
Stillingstype: 100 % fast stilling
Oppstart: Etter avtale
Søknadsfrist: 12.09
Spørsmål om stillinga?
Ring Morten Myhren i Human AS for en prat – tlf. 48 22 46 60